FANDOM


زموږ په چم کې ټول غمونه دي اختر نه راځي

خپه په دې يمه ملګرو چې دلبر نه راځي

د انتظار سترګې مې سرې په شبګيرونو شولې

ستا د راتلو لارې ته ګورم خو سهر نه راځي

چا مې په وخت د ځنکدن کې راته داسې ويل

په زړه د صبر تېږه کېده سترګور نه راځي

زما د زړه د تېږې ګله نور مې وينه مه څښه

د زړه پټي ته مې د اوښکو سمندر نه راځي

" تړونه " زړه دې نور د اور په کاڼو مه غوړوه

زمونږ جونګړې ته خو هغه مرور نه راځي

 کونړ – ٦- ١٠ – ١٣٧٨