FANDOM


زه له ښار څخه دباندي په ګوښه كي درېدلى

د هغې ډبري څنګ ته چي پرې نوم د ښار ليكلى

اوس له لوړي ورته ګورم بېګانه يمه راغلى

هغه ښار په سترګو وينم چي كلونه مي ليدلى

تور ځنګل راته ښكارېږي لكه كلى د دېوانو

لكه سيمه د لېوانو لكه ښار د پېريانانو

يا خو هر څه بدل سوي او يا زه ورته بدل يم

هغه شين تازه ځنګل دى زه پردى يمه زه بل يم

څه ياران مي د خالپوڅو څه ملګري څه دوستان مي

څه د عمر اشنايان مي څه خواږه خواږه خپلوان مي

اوس يې ږغ په ښار كي نسته رانه وړي دي كلونو

لكه پاڼي رژولي د خزان وحشي بادونو

چي د سيند اوبو ته ګورم مرغلري دي بهېږي

يو پر بل څپې سپرې دي تر ساحل پوري رسېږي

له اسمانه د لمر وړانګي د پخوا په شان ځلېږي

خو افسوس چي ورته ګورم بېګانه راته ښكارېږي

نه د لمر هغه شغلې دي چي هر وخت به ځلېدلې

نه د سيند هغه څپې دي سر پر سر چي به راتللې

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki