Fandom

شعرونه

بوډا

2,655pages on
this wiki
Add New Page
تبصرې0 Share

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

ته ددې بوډا دمخ کونځې شمېری شې
ته ددې بوډا د سترګو لیک لوستی شې
ته دده د محبت احساس کوی شې
ته یې ذهن کې تیر حال انځوروی شې

یوه شپه چې ټول ویده و ستوري ویښ و
له سپوږمۍ سره یې یوځای سیوري ویښ و
یوې مور ته د مرګونو لوري ویښ و
او په خوله یې دې دردونو توري ویښ و

یوماشوم دنیا ته راغی نازنین و
تورې سترګې، سرې یې شونډې په رنګ سپین و
نور دې کور ته د خوښیو سور آس زین و
نور دې کور کې هر سړی له خندا شین و

ماشومتوب یې د جنت په منځ کې تیر کړ
زلمیتوب یې ماشومتوب ورځنې هیر کړ
زمانې د قلمي انځور په څیر کړ
او د نجونو لوی ټولی یې ترې چاپېر کړ

شپې دده په ننداره بیدارې ناستې
په تعجب د مینې ټولې لارې ناستې
که هرڅو وې خوشحالۍ کتارې ناستې
د زړښت بلاوې وې تیارې ناستې

دادي اوس یې د جهان یواځينی کړ
او د مرګ خولې ته روان یې بیړنی کړ
اوس د ګور په غاړه ناست دی پښې په ګور کې
زمانې ترې بیزار کړي ټول په کور کې

نو
ته ددې بوډا دمخ کونځې شمېری شې
ته ددې بوډا د سترګو لیک لوستی شې
ته دده د محبت احساس کوی شې
ته یې ذهن کې تیر حال انځوروی شې

Also on Fandom

Random Wiki