Fandom

شعرونه

ته چې په خوب کې راځې، ته چې په خيال کې راځې

2,654pages on
this wiki
Add New Page
تبصرې0 Share

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

ته چې په خوب کې راځې، ته چې په خيال کې راځې
سپينې شاهينې وايه، کله په جال کې راځې؟

زه چې ماڼۍ جوړوم، دتصور ددنيا
په هره خښته کې ته، په هرديوال کې راځې

دبنګړوشرنګ دې خيژي، له پايزېبونوسره
دپښتنوکلي ته، په وريښمين شال کې راځې

دسنځل ګلووږمې، دګلابونوغونچې
هم په هنرکې راځې، هم په کمال کې راځې

وزير دعقل مې خورې، شطرنج دمينې کوې
چې کشت مات راکوې، په کوم يوچال کې راځې؟

ترسپوږمۍ سپين کاغذه، پرتاسندره ليکم
تابه رانيسمه ترې، که په شمال کې راځې

راشه ځواب شه زما، ښکلی کتاب شه زما
زه بې ځوابه يمه، په هريوسوال کې راځې

زه چې شراب راواخلم، نشه نشه پکې ته
زه چې رباب راواخلم، په سروتال کې راځې

نری باران يې زما، لمر داسمان يې زما
دتوروغرونوپرسر، په زرغونټال کې راځې

زه چې لمانځه ته روان، دخدای کاله ته روان
په ترنم ترنم، غږدبلال کې راځې

په زړه مې چک لګوې، لکه غزل دکاروان
اخ دلونګوغوټې، په شنه دسمال کې راځې

١٧-١٢-٠٠٣کابل خيرخانه مېنه

Also on Fandom

Random Wiki