Fandom

شعرونه

جنگ د پاسه جنگ دی

2,654pages on
this wiki
Add New Page
تبصرې0 Share

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

اخلي انتقام رانه راغلۍ بيا فرنګ دی

سوله يې بانه ده هسې جنګ دپاسه جنګ دی

دوه نيم ميليونه يې مړه کړه امريکې سره روسانو

رپېږي بيرقونه لور په لور په شهيدانو

کوڅې زمونږه ډکې دي په کونډو يتيمانو

تاريخ زمونږ شاهد دی پدې پوه شی افغانانو

خر هماغه خر خو بدل شوی يې پالنګ دی

سوله يې بانه ده هسې جنګ دپاسه جنګ دی

چړي دی که طالب يا تنظيمونه ملايان

دا ټول همدوي پيدا کړه دغه هر چاته عيان

افغان په افغان وژني پدې ملک کې خاينان

پخوا نه يې روزلي دغه کار ته ګوډاګيان

راغلي دښمنان دا يې چل دا يې نيرنګ دی

سوله يې بانه ده هسې جنګ دپاسه جنګ دی

عجيبه نتيجه او ثمره شوه د جهاد

چاپير رانه دښمن دی ځانته وايمه آزاد

مادي او معنوي سرمايه لوټ شوه په هيواد

وطن مې دړې وړې دښمنانو کړ برباد

په شمع سوزيدلۍ ځای په ځاۍ وينم پتنګ دی

سوله يې بانه ده هسې جنګ دپاسه جنګ دی

زمونږ ملک يې اشغال ايران عراق ته کړي ګواښونه

ځای پر ځای قوې د بيګانه پرتې جنګونه

شخصي ګټې لپاره خلګ وژنې او مرګونه

تر سترګو يې لاندې کړي دي کانونه معدنونه

لاسونه ورته يو کړی د افغان په وطن ننګ دی

سوله يې بانه ده هسې جنګ دپاسه جنګ دی

ازبک دی که تاجک او هزاره دی زمونږ وروڼه

ځان دې پدې پوه کړه بل څوک ندي ای پښتونه

دښمن مو جنګوي خپلو کې وژني دا قومونه

مرګ ته د افغان يې غزولي دي دامونه

راغلی شاه شجاع ورسره خوا کې تيمر لنګ دی

سوله يې بانه ده هسې جنګ دپاسه جنګ دی

دا زنځير شلولي وحشيان بند پخپل زنځير کړی

آزاد ترينه وطن او دښمنان د خاورو ګير کړی

الله اکبر سره نعره بيا د تکبير کړی

غږ د آزادۍ خولې نه پورته په تدبير کړی

ننګ چې په وطن نکړي اړمه دا بې ننګ دی

سوله يې بانه ده هسې جنګ دپاسه جنګ دی

Also on Fandom

Random Wiki