FANDOM


ستا مکيزونو ادا ګانو او خندا ته کېنو
چې ته رخصت شې خوږه ياره بيا به چاته کېنو

سترګې راواړوه جانانه لږ معطل شه دلته
توره تياره ده ستا د مخ ښکلې رڼا ته کېنو

پرېږدۍ چې ستړې کوچۍ سوري ته وېده شي لږ
مونږ به دمه شو په سره لمر د کېږدۍ شاته کېنو

دا خو منمه چې ښاېسته يې اوښې سترګې لرې
مونږ دې ته مه مجبوره وه چې کوم ملا ته کېنو

څوک به څه وايي ورځو سترګو له اوبه ورکوو
مونږه د مينې لېوني د ګودر خواته کېنو

زموږ د اوښکو به ترې خداى اخر پوښتنه وکړي
خپل ګريوانونه ورته ښايو څو اشنا ته کېنو

کونړ – عمرا خان لېسه ٤ / ٤ / ١٣٧٨