خوب مي ليدی چي دي په اوښکو لمبوم خيالونه

د سترګو تور ته دي دانه دانه راوړم خيالونه

د رقيبانو له نظره مينه پټه وړمه

د زړه پر سر باندي دي يو په يو ليکم خيالونه

ماشوم زړګی مي د بوډۍ له ټاله نه صبريږي

ستا تر مزاره به لا څونه زنګوم خيالونه

زه لکه ونه په نصيب کي قدم نه لرمه

د خپل تقدير په زولنو کي شرنګوم خيالونه

سترګي کچکول مي د وصال تمي ته نه در وزي

اوس مي پخپله په تندي کي ماتوم خيالونه

د اوښکو لپي په لېمو کي جهاني ساتمه

ستا د ښکلا په هديره کي تويوم خيالونه

Ad blocker interference detected!

Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki