FANDOM


ای پـښـتونـه په عالم کـې څه غورځنګ دی
ګـوره حـق د استعـمـار سره په جـنګ دی
د ضعـيـف قـوه د ده عـزم او فـرهنګ دی
قوي تل د استعمار په نشه منګ دی
ضعيف ځي په خپله لار د مقصد لور ته
قوي ځي په  خپل غرور ګندلي ګور ته
قـوي نه دی چـې غـره په  خپـل اسباب وي
ضعيف نه دی چې دی مل د خپل احباب وي
هـر ټـبـر چـې د ثبـات او عزم اصحاب وي
په سختيو د حيات کښې تل کامياب وي
فلسفه د ژوند که غواړې زما ګرانه
آزاد اوسه آزاد ولاړ شه له جهـانه
ثبات نه دی چې په خوله باندې ګـفـتـار کړي
عـزم نـه دی چـې د ژوند دار او مـدار کړي
هغه څوک چې ومـطـلـب ته عزم اختيار کړي
پروا نه کـړي که ژوندون که سر په دار کړي
د شيرشاه غوندې همت کړه شيرافګن شه
د فرهاد په څير عمل کړه او کوهکـن شه
ها څو څـاڅـکـي سـره يو شـي سمندر شي
ها څـو کـســه سـره ټول شي نو لښکر شي
هـره ډلـه چـې يو يو شـي در پـه در شي
کـه لښـکـر سره فرد فرد شي مات ابتر شي
ته  پښتون يې ضعيف نه يې سره ټول شه
د قوم ګټـې ته بيدار او يـو کـهـول شه
ته پسـر يـې د شهـاب چـې ځای يې غور دی
نـوم يـې  پـاتـه لا تراوسـه په لاهـور دی
غـيـرت وکـړه پر وطـن درباندې پور دی
کـه وطـن درڅـخـه ولاړ دا لوې پيغور دی
د غيرت خاوند په ګور کې صفـتيـږي
بې غيرته په خپل کور کې تل شرميږي
ډيـر ويل رنځ او زحمت دی اوس به بس کړم
کـه دانـا شـي ټـول پښتون نو به هوس کړم
هـم بـه هـلـتـه بيانونه خپـل په وس کړم
چـې دښـمـن د پښـتـانه د نغري خس کړم
زمريالی يم دا ويل مې دي له ننګـه
ای پښتونه چې پيداکړې ځانته پنګه

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki