Fandom

شعرونه

د سپوږمۍ په ارمان

2,654pages on
this wiki
Add New Page
تبصرې0 Share

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

پایڅې مې بډ وهلې
بیل مې په پوله خښ کړ
او د لیښتي رڼو اوبو کې مې لاسونه پریولل
د جوارو لوی پټي ته ځیرشوم چې مې ته ولیدې
په شنه ګيډۍکمیس دې سپین ګلا باتون مات کړي
اود پاولیو شرنګهار دې د چنچڼو له نغمو سره ګډ
څومره ښایسته وې بلا
زړه مې له ډېرې خوشالۍ الوځي
سږکال مې زمکه له ګروۍ خلاصیږي
او له روژې څخه به مخکې ستا ډولۍ راوړم

¯¯¯

کابل له سپینو واورو لاندې پټ دی
باغ بالا کې سبرونې وچې شوي سږکال
ستا نفسونه ډېر تاوده ښکاریږي
زما تاوده لاس کې دې سپین لاس خولې دی
بیګاه دې بیا ژړلي؟
په ټیلیفون کې دې له غږه پوه شوم
اوس ستا څېره کې د ستړیا نښې له ورایه وینم
اوس زه اوته سره ډېرنه شو لیدای
ژوند زما اوستا ترمنځ دیوال جوړ کړی
ژوند سر ګردانه دی د ښار کوڅو کې
ښار لکه تورښامار زموږ مینې ته اور را شیندي

¯¯¯

د خپل کوچني کمپیوټر غږ راویښ کړم
دا دشیطان صندوقچه هره ورځ همداسې کوي
ستا بریښنا لیک مې ولوست
کړکۍ ته ودریدم
خوته منې دلته آسمان نه ښکاري
دلته په میاشتو څوک سپوږمۍ نه ویني
دلته سپوږمۍ چاته سلام نه وايي
دلته نیویارک کې یې آسمان غلاکړی
زه سپوږمۍ نه شم لیدای
خوستا لیکلې ټیکۍ لا هم زما پرشونډو ناڅي
( شین آسمان ذرې ذرې د سرو زرو یې تنابونه
سپوږمۍ د بام په سر په یار وایه سلامونه)

۲۰۰۴' سپتمبر نیویارک

Also on Fandom

Random Wiki