FANDOM


د يادونو غمي ږدمه، د خيالونو په هارونو

کږې کرښې رسمومه، د کنگل په تصويرونو

په سور جام د مازديگر کې، سيوری خوځې کرغېړنه

الونيا شي سېلۍ غېږ کې، تند توپان د تندرونو

چليپا او گډې وډې ليکې کاږمه په ټنډه

په څېرو کې راښکاره شي، سمبولونه د ويرونو

وېره توره-توره کېږي د تور تم په ترږمو کې

تورؤ شپو کې چې ښکاره شي، تور لاشونه د تورونو

د الله په مينه مست پروت، بې خبره له خدائۍ نه

د عدم ناوې ته يې ورکړ، تنکی گل د پرهرونو

اجلونه کاږي نغړاندي، له دوه جوړې يې څلور کړې

د خدای کور کې يې تراشلې، تورې شناختې د قبرونو

ستړي-ستړي دي وختونه، لالهانده چيغې کاږي

د ټټر په کټارو يې ځلي ټاپ د سرو مُهرونو

دا د غم په اوږده ساه کې د يلدا کيسه چا پيل کړه!؟

د پای ټکی معلوم نه دی د دې کرتو تزويرونو


د مارچ ۳۰مه، ۱۹۹۷ ز. کال ،هند (اوتراپردېش)

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki