دواړه سترګې دې لږتورې کړه راځه
امېلونـــــه دې درپـــــــــــــورې کړه راځه
یووار بیا دبڼوبریدراباندې وکړه
دزړه ستــــــنې مې نسکورې کړه راځه
له تندي دې دلونګوخوشبويي ځي
تورپـــېکی دې دورې دورې کړه راځه
که زمادزړه توتي په دام کې ساتې
دازړې لومې دې نـــــــــــورې کړه راځه
چې ځواني دې په نظر نشي له مانه
غوړې څڼې دې لږ ســـپورې کړه راځه
که د«خیال »د اوسېدوخونې ته راشې
دروازې درســــــره پــــــورې کړه راځه
وېشنيزه:خيال محمد کټوازی