FANDOM


رنځور احساس او زخمي درد مې په زړګي کې شته دى
د يار نازونه ادا ګانې مې تندي کې شته دى

په ما يې ټول کلى خبر کړه چا يې غږ واورېده
طاقت د شور او د شرنګا په مات بنګړي کې شته دى

لکه د وران کابل په غېږ کې د باروتو دوړې
داسې انبار زما په ستړي اسويلي کې شته دى

زه پرې مېن يمه خپل ځان مې ترې لوګې ، لوګى که
زما د وينو رنګ د يار په اننګي کې شته دى

ګودر خمار دى په مزه مزه چمبه غږ وي
تاثير د مينې هم د پېغلې په منګي کې شته دى

" تړونه " وشلوه ګرېوان دې تر لمنې پورې
د محبت جذبه په هر يوليوني کې شته دى

ګونړ – عمراخان لېسه - ٤- ٤ – ١٣٧٨