FANDOM


له ما ګیله مه کوه

په دروازې پسې دې نه درځمه

زما مساپرې، زما شاعرې خورې

په جنازې پسې دې نه درځمه

زه دې تصویر روغ په زړګي کې وړمه

نو په تابوت پسې دې ولې درشم

غږ دې لا شین دی په څپو، ټپو کې

نو په سکوت پسې دې ولې درشم

چې به تر یو مایکروفون دواړه تاو و

هغه شیبې مې په زړه اور لګوي

هغه چې تا به راته تېرې کړلې

هغه مصرې مې په زړه اور لګوي

ځوانیمرګي دې مبارک وي درته

خو دا زري شال دې نو چاته پرېښود

تا د تیارو کوڅو ته کډه وکړه

خو دا د لاس مشال دې چاته پرېښود

له ما ګیله مه کوه

له ما ګیله مه کوه

زړه مې له تیږې نه دی

ټپ مې ژړا کې ستونی

نور نو د چیغې نه دی

نور نو د چیغې نه دی

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki