Fandom

شعرونه

لوټلې رڼا

2,655pages on
this wiki
Add New Page
تبصرې0 Share

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

دا بې ذوقه خلک د ښکلا په قدر څه پوه دي

دوی د هوس تږي دي د چا په قدر څه پوه دي

سل ځلې که ستوري او رڼا په لپو وویشې

دا په تیارو روږدي د رڼا په قدر څه پوه دي

ورشه خو ویریږم چې نازک زړګی دې مات نه شي

ښار دی د بیقدرو څوک د تا په قدر څه پوه دي

هلته دجالانو د شعور رڼا لوټلې ده

دوی نو د امان او ثریا په قدر څه پوه دي

مړو ته په لمن کې لمر او ستوري ډالۍ څه مانا؟

مړه د تحول او ارتقا په قدر څه پوه دي

چا چې د خپل ورور له وینو درس د بقا وانه خیست

دوی نو د حسین او کربلا په قدر څه پوه دي

دومره ساده نه یمه چې زړه دې هادي وخورمه

دا کلی د نورو دی زما په قدر څه پوه دي

۱۳ اپریل ۲۰۱۲

سیډني

Also on Fandom

Random Wiki