FANDOM


  لکه غشي لره بويه تير انداز
هسې شعر لره بويه سحر ساز

همېشه د زړه په لاس تله د وزن
زيات و کم د وزن يو توری غماز

په تور اس د حقيقت ناوې سوره کا
په سپين مخ پلو نيولی د مجاز

سل جلوې، سل کرشمې، سل مکېزونه
په نظر کې يې ښکاره د سترګو ناز

د صنعت زېور په څو رنګه پرېوځي
د تشبيه چندڼ، چووه باندې طراز

د تجنيس پايلې جوړې په پښو کړې
د ترصيح منی په غاړه اوږد، دراز

د مضمون نزاکت غمزه ورڅخه
سر تر پا درست صورت سره يو راز

که په نظم کې کارغه او ټپوس راوړي
هم د زړونو په ښکار ګرځي لکه باز

چې يوه وينا يې وکړه هوښيار هغه
عاقلان به ويل کاندي په ايجاز

و پښتو ژبې يې ډېره خوبي ورکړه
چې خوشال کړ په پښتو شعر اغاز

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki