FANDOM


رادې شي اجل لېونی شوی يم
زړه مې شو پاګل لېونی شوی يم
ته وې چې اول دې په ځان پوه کړمه
تا پسې اول لېونی شوی يم
ستا بڼو مې زړه په بله واړوه
سم لکه کابل لېونی شوی يم
ما ورپسې شپې په ويښه تېرې کړې
نه راځي غزل لېونی شوی يم
داويرجنې شپې به سندرمارې کړو
شه راسره مل لېونی شوی يم
ياره زه دښار کوڅو ته نه درځم
زه اوس دځنګل لېونی شوی يم
دا ځله بدل دم ګری ګورمه
داځله بدل لېونی شوی يم
اوس رانه دزړونو تړون نه کېږي
اوس خو مکمل لېونی شوی يم

زه که هر څه درنه پوښتم مه يي وايه
ته پوښتنه کوه زه به يي ځواب کړم
ماوېل پام کوه دزړه ازار وانخلې
تاوېل زه خو تل کارونه دثواب کړم
راشه ویی شماره څولپې ترې کېږي
چې دانه دانه داوښکو درحساب کړم
رب په دې ځوانه ځوانۍ کې داسې خوارکړم
چې اخته يي ستا دمينې په عذاب کړم
اشنا زه دې دپښتون غوندې بې زړه کړم
ډېر کمزوری دې په دغه انقلاب کړم
ما دزړه په ځمکه ستا سترګې کرلي
ته به وګورې حاصل به ترې ګلاب کړم
راته ووايه له چاسره دې شرط و
چې تړون درته په لږ وخت کې خراب کړم ؟

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki