Fandom

شعرونه

موږ د ستاينې په چم نه پوهېږو

2,655pages on
this wiki
Add New Page
تبصرې0 Share

موږ د ستاینې په چم نه پوهېږو

زموږ په تېره کې څوک

په حساب درې مدحیې نشي موندای

زموږ په شعر کې څوک

د دربارو قصیدې نشي موندای

موږ د ستاینې په چم نه پوهېږو

ډېر ښایسته ته وایو، لږ بدرنګ

ډېر دانسته ته وایو، لږ کم عقل

موږ د ستاینې په چم نه پوهېږو

موږ چې په چا کې څه ښېګڼه ګورو

نو د هغه پر ځای هم ځان ستایو

او ورته وایو اشنا!

بیا به مو نه منې ته

ګوره چې موږ دې څومره قدر کوو!

موږ د ستاینې په چم نه پوهېږو

او چې جانان و وینو وایو ورته

زړګیه نن چې درته ګورمه زه

دا زړه مې غواړي چې بس و دې خورمه

او یوه ګوله دې کړمه

موږ د ستاینې په چم نه پوهېږو

کله یو نېک انسان، آرامه انسان

ساده انسان بولو، عاجزه انسان

خو بیا همدغه سادګي کله بیا

د کم عقلۍ په معنا هم کاروو

موږ د ستاینې په چم نه پوهېږو

زموږ د کلي د ملا په اړه

زموږ ناپوهه کلیوال وایي چې

زموږ د کلي ملا

د کاپر زوی بې خرته ډېر پوه دی

خدای وراستي داسې آیتونه وایي

که چا لیدلي وي په ټول قرآن کې!

موږ د ستاینې په چم نه پوهېږو

چې غوړګه و ګورو د پېغلو ترمنځ

د دې پر ځای چې په پلرونو یې رحمت ووایو

چې داسې ښکلې یې راوړې، او پاللې یې ده

نو ګوتې غوږ ته کړو، ټپه غږوو

څنګه همزولو کې پټېږې هی هی

د دله لورې زه دې پوندې پېژنمه! هی هی

موږ د ستاینې په چم نه پوهېږو

زموږ په تېره کې څوک

په حساب درې مدحیې نشي موندای

زموږ په شعر کې څوک

د دربارو قصیدې نشي موندای

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on Fandom

Random Wiki