FANDOM


مينه له مينې پيدا کېږي مينه مينه غواړي
د ککريو نذرانه او دزړه وينه غواړي

دوه ژبى ياره جفا کاره نور مې مه زوروه
زړګى مې نوره ستا دخولې خبره سپينه غواړي

په خوارو لاسو فولادي غرونه به ونړوي
د چا چې عزم فرهادي وي نوشيرينه غواړي

خوږو ملګرو خوږ اشنا مې ليونى دى که نه
چې زيړى لمر دمازيګر له ماسپښينه غواړي

لکه هيلۍ غوټې وهي ورته په غاړو ګرځي
يار مې د ښکلي مخ تصوير له آباسينه غواړي
موږه يې خوار کړو د رقيب په کور دې اور ولږي
 " تړون " دا مرسته د پاک رب العالمينه غواړي