بخت ګوره چې ستوری او سپوږمۍ زما په واک کې ده
څومره بختور یم ستا خولګۍ زما په واک کې ده
څه که مې تیارو کې دغه خپله رڼا ورکه شوه
ستا د خوږ وجود دا ډیوه ګۍ زما په واک کې ده
مه وایه چې زه دې د نظر له دایرې لرې یم
لا دې د خوبونو دنیاګۍ زما په واک کې ده
خیر که دې حالاتو مانه خپل وجود هیر کړی دی
ستا زړه کې اوسیږمه نړۍ زما په واک کې ده
کله به همزولو کې ښکاره جانانه ووایې؟
هاغه د هادي د زړه مرغۍ زما په واک کې ده
۲۲ اپریل ۲۰۱۲
سیډني
وېشنيزه:عبدالهادي هادي وېشنيزه:شعرونه ه