FANDOM


دا مې وعده ده وطــــــــنداره درځـــــــــــم
پرېږدم دې نه سترګې په لاره درځــــــــــم
نېټه به نه ټاکم، دروغجن به شمـــــــــــــه
چې وخت پېدا کړمه د واره درځـــــــــــــم
په هرې وا مې چې خوږې شوې سترګې
د بابا ښاره کندهاره درځــــــــــــــــــــــــــــــم
نښتر نران دي په پوښتنه ارضــــــــــــــــي
د پکتيا غرو کې مې څاره درځـــــــــــــــم
په شنه لوګر، ځم تر ټپي کابلــــــــــــــــــــه
چې لږ دمه شومه، مزاره درځـــــــــــــــــــم
د ګُل سُرخ مېلې چې تېرې شــــــــولــــې
د بدخشان په لور تخاره درځــــــــــــــــــــم
هماسی لنډ په تورؤ غرونــــــــــــــو اوړم
د نورستان په لور اسمــــاره درځــــــــــــم
چې د کونړ په اوبو مست شولمـــــــــــــه
په شنو درو دې علينګاره درځـــــــــــــــم
د شعر ماښام به جـــــــــــــوړؤ په ګـــــــډه
چې نارنج ګُل شو ننـــګرهــــــاره درځـــم
زړه خو مې دی چې ټول هېواد وګـورم
په همدې هوډ يمه سرشــــــاره درځــــــم
(سرتېر) کوچي پکې خــــاپــــوړې کړي
په دې ډاډه اوســـه چې يـــــــاره درځــــم

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki