غلي شئ ښکلو ته پېره کوي سړي پراته دي
چړې يې څنګ ته هم يې سرته تبر ګي پراته دي
ملاصيب ولې مينه ګر درته بې دينه ښکاري
زموږه مينه کې ټول توري قراني پراته دي
ځى چې چنار له فاتحه د ورکو پيغلو ورکړو
منګي يې مات دي شنو اوبو کې يې بنګړي پراته دي
ويده ښامار دى هله زر شه په سينه يې وله
چې راويښ نشي توره خوله کې يې غمي پراته دي
خلک سرکش دي هر سړى لاس کې دورې تاووي
قدم دې ورو کېږده په خپو کې دې ګونګري پراته دي
جانان خپل کور کې مالګې وړه کړلې په خلکو يې خوري
لکه مياعلي بابا تر خوا يې ليوني پراته دي
په بسم الله ترې ګوټ کوي نوم د جانان يادوي
د " تړون " مخې ته د بنګو کنډولي پراته دي
وېشنيزه:سميع الله تړون