Fandom

شعرونه

پوښـتنه

2,655pages on
this wiki
Add New Page
تبصرې0 Share

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

پښتو ابۍ

داسې لکړه پر لاس

له کومه لوري راغلې؟

له پنځو سو زرو کالو هاخوا

او

د سلو مدنیتونو له پټې خزانې څخه

څو یې ښکاره دي؟

یو هم نه :

ځکه یوازې

زر کاله پخوا مې

د یو کروړ قلم په وینو سور شو

زما بچو ښايي لومړي قلم ته وینې ورکړې

ځکه چې دوی ساده سپیڅلي وو «رنګونو» باندې نه پوهېدل

پښتو ابۍ!

دا پر غاړه دې څه دي؟

د پردیو پېغورونو

د زړو سرپو او پولادو امیل

ولې؟

مګر د خپل کاله د زرو او لالونو هغه کان دې څه کړ؟

ــ ټول مې بچو ته پرېښود

خدای مه کړه وږي نه شي

هسې هم زه ترینه خبره نه وم

چې هغوی ټول وپلوره

- مګر بچي خو دې اوس هم وږي دي

هغوی ښېرا ووهل-

د چا؟-

- 'د خپلو هغو وروڼو

چې یې د دوی د نېکمرغي لپاره

په دعا ګانو کې ړندې شوې سترګې

خو دوی ونه پوهېدل

ځکه دعاوې په ښېرو واوښتې

¯¯¯

پښتو ابۍ!

کلی دې چېرې دی؟

ــ د نړۍ د سترو دیوانو په قبله کې

ددې دیوانو زما له کلي سره دومره ډېره مینه ده چې

له پنځوسو زرو کالو را په دېخوا

په نذرانه کې هره ورځ زما د زرو بچو

پر مرۍ تېغ را کاږي

پښتو ابۍ!

نو اوس چېرې درومې؟

د سهار کلي ته :

ــ غواړې چې خپل ویده بچي را ویښ کړې؟

ــ نه!

هغوی ویده دي د ابد په خوب ویښيږي کله؟

ــ نو څوک ویښوې؟

د نړیوالو انسانیت ویښوم

چې راته لاره د دیوانو د ماڼۍ وښيي :

ځمه دیوانو ته پلو نیسم، زارۍ کومه

چې د بچو وینې مې تویې نه کړي

چې د هغو له لاسو تورې واخلي

چې د هغوی له زړو غلا شوې مینه بېرته ورکړي

غبرګولی ۱۳۷۸

کابل

Also on Fandom

Random Wiki