ځير ځير گورم حالاتو ته يو جاج کوم د سترگو

رنځورې زمانې ته څه علاج کوم د سترگو

رقيب نه اول باسم سترگې بد يې راکتلي

بيا ښه نرمه پټۍ ورته سپين پاج کوم د سترگو

غمازه ازمويې مې بيا بيا څه که وخت را پېښ شو

دا دوه گامه ژوندون به هم زه باج کوم د سترگو

يو څوک لکه هينداره کې څوک ځان گوري را گوري

زما تر نظر نه راځي رواج کوم د سترگو

ما مينه کړه تلم زړه پسې تمام ژوندون خو دا ځل

په ښکليو پسې ځمه په مزاج کوم د سترگو

نېغ سترگې او بدسترگې او بې سترگې ټولوم ټول

د ښار په هغه لوى ميدان حراج کوم د سترگو

نن سترگې يې څپې څپې کېدلې ميخانه کې

ديکې چې بېکسيار وهم امواج کوم د سترگو.

Ad blocker interference detected!

Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki