Fandom

شعرونه

که څوک فخر کا په ننګ او په ناموس

2,655pages on
this wiki
Add New Page
تبصرې0 Share

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

که څوک فخر کا په ننګ او په ناموس

دا په عشق کې نه ارزېږي په فلوس

که اغوستئ ئې زري لباس وي څه شو

ګنې يا مُرغ زرين دی يا طاؤس

که ئې تاج وي په سر ايښئ غزا وشوه

په نظر زما هُدهُد دی يا خُروس

نه ئې فهم او فراست وي نه ئې علم

خالي نقش لکه عکس د معکوس

نه ئې مغز نه ئې دانه وي په خرمن کې

عبث هسې واړه لولي په سر بوس

د مجاز له اهله طمع د خېر مه کړه

تمامي شر او شدت دی دا الوس

ودانۍ ئې همه واړه ويراني ده

راشه وګوره ماڼۍ د اوقيانوس

که زما په ګُفتګو کې کم او زيات وي

څوک د ګډ کا په دا ښار کې جاسوس

ساقي جام د ياره راوړه چې بېخود شم

خدائ دې مه کړه په خودۍ کې څوک محبوس

که څوک وغواړي تمامه دُنيا واړه

زما يار غوندې به نه وي بل عروس

رحمان حُسن د يار ويني په پرده کې

نه پټېږي نور د شمعې په فانوس

Also on Fandom

Random Wiki