FANDOM


د ا وښکو په شرابو مې ګرېوان لېونى شوى
جانانه ستا بڼو ته مې ايمان لېونى شوى

خير ز ه که وچې شونډې او څېرلى ګريوان ګرځم
دښکلي يار لېمو ته ټول جهان ليونى شوى

په سر ورته ګواښېږي د ښکلا زکات ترې غواړي
ديار نازکو شونډو ته پېزوان ليونى شوى

ټپي ټپي سينه مې د بڼو په غشو ولې
زړ ګى مې زوروي زما جانان ليونى شوى

جانانه يوه ورځ به داسې غږ له چانه واورې
چې ته ورباندې ګران وې هغه ځوان لېونى شوى

ميا علي بابا ته نه ځي د يار کلي کې ښه کېږي
" تړون " له ډېره غمه او خفګان ليونى شوى